可能尋日太攰, 一瞓醒已經十一點, 早餐係lotteries食漢堡飽, 呢度比市區貴好多, 3人Family pack 計返港紙要$18x.
食完早餐坐Cable car, 酒店住客有7折(買飛時出示酒店比既discount coupon), 兩大一小由38,000減到26,600 won, 坐車途中可以見到龍平非常大, 雪道多.
當日天氣非常好, 山頂景色好靚!
Lunch再去韓式小店....
之後落山玩呢個, 價錢以次數計, 阿仔同Daddy各玩兩次, 總共36,000 won.
又到下午茶時間, Angel in us既 cheese cake同 waffle, 唔錯!
下一站Waterpark, 因新年關係入場費提高好多, 大人40,000 won, 小童30,000 won, 好在住客有半價, 如果無唔值得去, 無帶shower cap又比多9000 won(3人), 場內唔算大, 有lazy river, 人造浪池, 一個兩層高戲水池, 但全部水溫唔夠熱, 只有兩個熱水池. 另有幾個戶外溫泉, 但濕身後先發覺, 嘗試過出去但外便正落雪, 實在太凍, 推門行到一半又跑返室內.
返回更衣室, 見到好多女仕赤條條行來行去, 先醒起男/女各有光脫脫室內溫泉, 我都唔執輸浸左廿分鐘先梳洗離開.
今晚係商場食pizza, 燒雞+意粉, pizza面飽粒topping好香脆, 燒雞又好味, 滿足!
之後daddy提議去casino, 於是去front desk叫車到Alpensia, 一上車meter已經9,800won, 司機話新年要呢個價! 大約五分鐘車程14000 won. Alpensia酒店部份好新, 但雪場比龍平細好多.....
一入賭場嚇一跳, 完全無人, 有部份老虎機無開, 十幾個職員望住我地, 果一刻想掉頭走.....過一輪開始有d人氣, 玩左個幾鐘發左5000 won新年財, 走人.
回程call唔到車, 酒店經理好好免費送我地返龍平!