今日係鱒魚節最後一日, 一早出發去清平冰釣,由梨大出發夾啱班次到清平都要84分鐘.
由梨大出發~
因京春線班次比較疏,最終到清平要兩個鐘左右,在月台等車時寒風刺骨,我地同好多乘客走晒入便利店內避寒.
清平站
一出站有位大叔大叫fishing, fishing,更提供免費車去釣魚場, 二話不說即跳上車, 去到發覺呢個唔係鱒魚節釣魚場,魚場較細又無其他玩意,而且比較簡陋.好在兩仔爺主力係冰釣.
先買票同魚具,入口位有班人跳入池內表演捉魚,鄧佢地凍!
當日好大風吹到鼻水流,難得兩仔爺好恆心企足個幾鐘毫無怨言, 可惜大家都無收獲, 反而隔離位阿豬媽, 三兩分鐘就有魚上釣, 每次有魚獲都送比場內既人,我地都受為左三條.之後比魚場代為處理及燒烤,每條收一千WON, 先鋪上粗鹽再用錫紙包住燒,鱒魚味道近似三文魚但無咁鯹,味道唔錯,另外再叫了兩碗湯烏冬,可能太肚餓唔洗十分鐘,清晒!
之後坐返免費車到清平站搭接駁巴士去晨靜樹木園, 我地唔去小法國所以無買循環巴士票, 係呢個站上車先要買飛. 呢個牌係清平站一出對開巴士站就見到有晒班次時間, 到晨靜木大約20分鐘. (下圖係早前網友BLOG抄出黎).
到埗剛好天黑,先買飛入場,場內既燈色真係好靚,我地不停影起碼超過過百張相.
晨靜木燈展每年只去到2/3月,大家要CHECK清楚日期先出發.
晨靜木比較偏遠氣溫比市區低,入場不久手腳已經薑硬,大約八點多先離開, 最後一班接駁車已經開出,咁啱門口有的士,返到車站大約16,000WON.原來司機話當晚晨靜木只得零度! 返到梨大差唔多十一點,又凍又餓,今晚一早打算係"孔陵一隻雞"醫肚,食完已經十二點多,好在行幾分鐘就到酒店,今日早出晚歸,好攰!
沒有留言:
張貼留言