尋日係巴東報左釣魚團, 由1800B一路格價, 比我搵到間最平1000B/位,咁既價錢當然唔係包船.
由酒店到碼頭大約15分鐘., 上船喇, 除左我地一家3口只得一對中東情侶. 船行左大約廿分鐘去到公海開始好大浪, 有D驚!! 大約個幾鐘後重未見有埋岸既地方, 老公同阿仔又sea sick, 於是老公用有限既泰文問船家, 原來要成3個鐘!! 見對方女友又唔舒服, 於是問佢地有無打算回程 ,點知佢男友唔願意重叫船家可唔可以開快D...>.<", 無計, 唯有繼續, 傾談後原來佢地每人比左2000B, 唔怪得之唔想返轉頭!
差唔多三個鐘終於到,釣魚地點係距離Racha Island 5-10分鐘船程左右, 但都幾大浪,釣魚時都唔係好企得穩.放線唔洗5分鐘有兩條斑一齊上釣, 跟住15分鐘左右再釣兩條唔同品種.
泰人話呢條叫"芒芒"
回程拖釣釣到條吞拿,船家話我地好彩,條魚大約3KG左右, 都幾大條.
除左吞拿, 幾條魚做左我地午餐.
大約兩點開始回程, 因來回需時,所以其實釣魚時間好短.同埋全程都好大浪,最好食定暈浪丸.
5點左右返到酒店, 因為今日太攰係酒店對面開餐.
生蝦刺身唔夠建興好食.
你好呀, 我同男友4月去曼谷, 佢勁想去釣魚, 請問你仲有冇釣魚團既資料呀?
回覆刪除